Qəribəlik

Qızıl hasilatı ilə məşğul olan şirkət gələcək sərmayələrin səmərəliliyini yoxlamaq qərarına gəlir. Milyonlarla dollar xərcləməzdən əvvəl ərazinin potensialını öyrənmək üçün mütəxəssislərdən ibarət qrup çoxdan fəaliyyətini dayandırmış köhnə şaxtaya göndərilir. Onlar yeraltı yolları araşdırmalı və qızıl ehtiyatlarının vəziyyətini dəqiqləşdirməlidirlər.

Bu mədən uzun illər əvvəl bir neçə mədənçinin müəmmalı şəkildə həyatını itirməsindən sonra bağlanmışdı. Yerli hinduların rəvayətlərinə görə, buradakı saysız-hesabsız sərvəti qədim bir cin qoruyur. Tədqiqatçılar dərinliklərə endikcə köhnə əfsanələrin arxasında duran qorxulu həqiqətlə üz-üzə gəlirlər.

ABŞ istehsalı olan «The Strangeness» qorxu filmi 1985-ci ildə ekranlara çıxıb. Ekran əsərinin rejissoru Melani Enn Fillipsdir, baş rollarda isə Den Lanhem, Rolf Teyson, Kit Hert və Kris Hantli çəkiliblər.