Amitivill 3-D

«Reveal» jurnalının müxbiri Con Bakster məşhur Amitivill malikanəsində fəaliyyət göstərən fırıldaqçı seansçıları ifşa edir. Bu qalmaqaldan sonra jurnalist həmin lənətlənmiş evi çox ucuz qiymətə almaq qərarına gəlir. Heç bir mövhumata inanmayan Con tamamilə arxayın şəkildə yeni mənzilinə köçür.

Çox keçmir ki, onun bu təmkinli münasibəti sınaq qarşısında qalır. Evə baş çəkən qohumların, həmkarların və Conun özünün başına qəribə və izaholunmaz hadisələr gəlməyə başlayır. Məsələyə məntiqi aydınlıq gətirmək istəyən mülk sahibi parapsixoloq mütəxəssisləri çağırır, lakin bu addım evdə daha dağıdıcı qüvvələrin oyanmasına səbəb olur.

«Amityville 3-D» qorxu filmi 1983-cü ildə ABŞ və Meksika kino istehsalçıları tərəfindən çəkilib. Layihənin rejissoru Riçard Fleyşerdir. Baş rolları Con Bil, Con Harkins, Karlos Romano və Robert Coy canlandırıblar.