Devonsvill dəhşəti

Üç yüz il əvvəl ucqar Devonsvill qəsəbəsində cadugərlikdə günahlandırılan üç qadın tonqalda yandırıldı. Onlardan biri ölməzdən qabaq şəhəri lənətlədi. Əsrlər sonra, həmin edam günündə qəsəbəyə üç qadın gəlir. Onların addımları yerli sakinlərin narazılığına səbəb olur: biri radioda açıq-saçıq mövzulardan danışır, alim olan digəri suyun keyfiyyətsizliyini sübut etməyə çalışır, müəllimə isə şagirdlərinə Tanrının qadın da ola biləcəyini öyrədir.

Kişilərin üstünlüyünə inanan sakinlər bu gəlişi əski cadugərlərin qisası kimi qəbul edirlər. Eyni zamanda qəsəbəyə keçmiş cəlladın nəslindən olan bir adam gəlir. O, əcdadlarından qalan lənətdən əziyyət çəkir və bədənini qurdlar yeyir. Həmin şəxs xilas olmaq üçün gələnlərdən hansının əsl cadugər olduğunu tapmalıdır.

ABŞ istehsalı olan «The Devonsville Terror» qorxu filmi 1983-cü ildə nümayiş olunub. Ekran əsərinin rejissoru Ulli Lommeldır. Baş rolları Suzanna Lav, Lesli Smit, Robert Uoker kiçik və Meri Uolden ifa ediblər.