Beldhem. Cadugərin lənəti

Başına gələn xoşagəlməz hadisədən sonra Harper altıaylıq qızı ilə birlikdə anasının yanına köçür. Anası bu yaxınlarda satmaq məqsədilə yeni ev alıb və təmir işləri ilə məşğuldur. Lakin bu məkanda dinc həyat qurmaq ümidləri elə ilk günlərdən puç olur.

İlk gecə ana dəhşətli bir mənzərə ilə üzləşir: qaranlıqdan körpənin beşiyinə tərəf sümüklü bir əl uzanır. Ertəsi gün isə evin həyətində körpə məzarı aşkar edilir. Baş verənlər bu divarlar arasında ailəyə təhlükə yaradan qaranlıq bir qüvvənin gizləndiyinə işarə edir.

«The Beldham» adlı qorxu filminin rejissoru Encela Qalnerdir. ABŞ istehsalı olan bu ekran işi 2023-cü ildə işıq üzü görüb. Əsas rollarda Seyc Henderson, Linkoln Teylor, Korbin Bernsen və Mark Meyr çıxış edir.