Bu divarlar arasında

Alayna anasının vəfatından sonra onun boş qalmış evinə köçür. İlk vaxtlar qıza elə gəlir ki, onu narahat edən anasının ruhudur. Lakin tezliklə vəziyyətin düşündüyündən qat-qat qorxulu olduğu ortaya çıxır.

"Bu divarlar arasında" (Within These Walls) filmində amansız və naməlum bir varlıq qəhrəmanı addım-addım izləməyə başlayır. Qorxunc qüvvə Alaynanın ağlına, bədəninə və ruhuna hakim kəsilərək onu sınağa çəkir. O, həm anasının başına əslində nə gəldiyini aydınlaşdırmaq, həm də canını qurtarmaq üçün mübarizə aparmalıdır.

2015-ci ildə ABŞ-da istehsal olunmuş qorxu filminin rejissoru Ceyms Takerdir. O, eyni zamanda ekran işində əsas rollardan birini canlandırıb. Layihədə Marv Blovelt, Cessika Rodcers və Kelsi Jukovski kimi aktyorlar da yer alıb.