Demon Küləyi

Üç avtomobildə olan insanlar bütün xəbərdarlıqlara baxmayaraq, təcrid olunmuş Karter fermasına doğru yola düşürlər. Yolda xaçdan asılmış skeletlə qarşılaşsalar da, səfərlərini dayandırmırlar. Qaranlıq evin qapısından içəri addım atdıqda isə yer silkələnməyə başlayır, divarlar titrəyir, ətrafdan isə qorxulu inilti və uğultu səsləri yüksəlir.

Təşvişə düşən qonaqlar maşınlarına minib qaçmaq istəyirlər, lakin mühərriklər işə düşmür. Onlar çarəsiz qalıb stansiyaya doğru piyada getmək qərarına gəlirlər. Addımladıqca ətrafı qəribə bir hava axınının gətirdiyi keçilməz, qalın ağ duman bürüyür.

«Demon Wind» qorxu filminin rejissoru Çarlz Filip Murdur. 1990-cı ildə ABŞ-da istehsal olunmuş ekran əsərində baş rolları Cek Forsinito, Mia M. Ruiz, Lu Daymond Fillips və Ceffri Urbax canlandırıblar.