Yaşayan ölü qız

Köhnə malikanənin zirzəmisində gizlədilən zəhərli tullantı çəlləkləri qəbiristanlığın yaxınlığına sızır. Kimyəvi maddələr iki il əvvəl vəfat etmiş evin gənc sakini Ketrinin məzarına çataraq onu yenidən dirildir. Qəbirdən qalxan qızın bədəni toxunulmaz qalsa da, o, qarşısıalınmaz dərəcədə insan əti yemək istəyi ilə alışıb-yanır.

Ketrini təsadüfən onun uşaqlıq rəfiqəsi Helen tapır. Rəfiqəsinin bu dəhşətli vəziyyətini görən Helen ondan uzaqlaşmaq əvəzinə, aclıq çəkən bu canlı ölünü doyuzdurmaq üçün qurbanlar axtarmağa başlayır.

1982-ci ildə çəkilmiş Fransa istehsalı olan «La morte vivante» qorxu filminin rejissoru Jan Rollendir. Baş rolları Karina Barone, Mayk Marşall, Jan Şerlian və Marina Pyerro canlandırıblar.