Buqimen

Leysi və qardaşı Villinin uşaqlıq illəri ağır bir hadisə ilə kəsilir. Sərxoş analarının sevgilisi onları gizlicə izləyən balaca oğlanı çarpayıya bağlayaraq cəzalandırır. İplərdən qurtulmağı bacaran Villi bıçaq götürərək həmin adama hücum edir və Leysi bu qətli yataq otağındakı güzgünün əksində görür. Yaşadığı güclü sarsıntı səbəbindən oğlan ömürlük nitq qabiliyyətini itirir.

İyirmi il sonra bacı və qardaş başqa bir şəhərdə yeni həyata başlayırlar. Leysi ailə qurub və övlad böyüdür, eyni zamanda lal qardaşının qayğısına qalmaqda davam edir. Ölüm ayağında olan analarından gələn gözlənilməz məktub onları yenidən uşaqlıqlarının keçdiyi qorxunc evə qayıtmağa vadar edir. Həmin köhnə güzgü qəflətən sındıqda isə illər əvvəl öldürülmüş adamın qisasçı ruhu azadlığa çıxır.

ABŞ istehsalı olan «Buqimen» qorxu filmi 1980-ci ildə ekranlara çıxıb. Ekran əsərinin rejissoru Ulli Lommeldır. Əsas rolları Con Kerredin, Ernest Meyer, Klaudiya Portçelli və Çarlz Devid Riçards canlandırıblar.