Qanlı qəzəb

Uşaqlıq illərində əkiz qardaşlar Todd və Terri arasında baş verən hadisə onların taleyini həmişəlik dəyişir. Terri balta ilə insan qətlə yetirdikdən sonra bütün günahı qardaşının üzərinə atır. Nəticədə günahsız Todd psixiatriya xəstəxanasına göndərilir və illərlə orada qalır.

On il keçdikdən sonra Todd öz günahsızlığını sübuta yetirmək məqsədilə xəstəxanadan qaçmağı bacarır. Elə həmin vaxt Terri qardaşının qaçışından istifadə edərək yenidən qanlı cinayətlərə başlayır. O, yeni qətllərin də qaçqın qardaşının adına yazılacağına tam əmindir.

«Blood Rage» qorxu filmi 1987-ci ildə ABŞ-da istehsal olunub. Ekran əsərinin rejissoru John Grissmer olub, rolları isə Culi Qordon, Bill Çakmis, Metyu Karlayl və Ed Frenç canlandırıblar.