Primat

Anasının vəfatından bir il keçdikdən sonra Lüsi iki rəfiqəsi ilə birlikdə Havay adalarındakı ailə mülkünə yollanır. Orada onu yazıçı atası, kiçik bacısı və evdə bəslənilən Ben adlı şimpanze qarşılayır. Etoloq ananın yadigarı olan bu meymun uzun illərdir ailə ilə birlikdə yaşayır və insanlara öyrəncəlidir.

Ailə başçısı iş dalınca evdən ayrıldıqda, gənc qızlar fürsətdən istifadə edərək şənlik təşkil edirlər. Lakin əyləncə qısa müddətdə dəhşətə çevrilir, çünki Benin quduzluq virusuna yoluxduğu üzə çıxır. Xəstəliyin təsirindən getdikcə vəhşiləşən və idarəolunmaz aqressiya göstərən heyvan evdəkilər üçün birbaşa təhlükəyə çevrilir.

«Primat» qorxu filminin quruluşçu rejissoru Yohannes Robertsdir. Ekran əsərində əsas rolları Tyenn Saymon, Viktoriya Uayant, Bencamin Çen və Amina Abdi canlandırıblar. 2025-ci il istehsalı olan layihə ABŞ, Böyük Britaniya, Kanada və Avstraliya kinematoqrafçılarının birgə əməyi ilə ərsəyə gətirilib.