Telemeyitlər

Poçt xidmətinin səhvi ucbatından okkultizm elmləri institutuna göndərilməli olan qəribə televizor tamam başqa ünvana çatdırılır. Cihazı işə salan yeni sahib gözlənilməz mənzərə ilə üzləşir. Ekranda yalnız «Zombilərin qanlı kabusları» adlı vahiməli lent nümayiş olunur və cihazı söndürmək mümkün olmur.

Ekranda baş verənlər tezliklə adi yayım çərçivəsindən çıxır. «The Video Dead» filmində dəhşətli zombilər televizorun şüşəsini aşaraq birbaşa insanların yaşadığı gerçək dünyaya qədəm qoyurlar. Qəhrəmanlar ekrandan çıxıb gələn canlı ölülərlə mübarizə aparmaq məcburiyyətində qalırlar.

1987-ci ildə ABŞ-da istehsal olunmuş qorxu filminin rejissoru Robert Skottdur. Ekran əsərinin baş rollarında Viktoriya Bəstel, Al Millan, Roksanna Oqesen və Corc Kernan çəkiliblər.