Kabus çimərliyi

İki dost istirahət etmək üçün sahilboyu bir kurort şəhərinə yollanır. Həmin ərəfədə bu məkanda yerli bayker dəstəsinin rəhbəri edam edilmişdi. Səhəri gün edam olunan şəxsin məzarının boşaldığı üzə çıxır və küçələrdə xüsusi elektrik qurğulu motosiklet sürən, dəri geyimli sirli bir qatil peyda olur.

Səyahətə gələn dostlardan biri bu naməlum sürücünün qurbanına çevrilir. Şəhər rəhbərliyi və polis isə manyakın varlığını gizlətməyə çalışır. Həyatda qalan gənc yerli barmen qızla birləşərək qatili təkbaşına axtarmaq qərarına gəlir.

İtaliya istehsalı olan «Nightmare Beach» qorxu filmi 1989-cu ildə çəkilib. Ekran işinin rejissorları Ceyms Castis və Umberto Lentsidir, əsas rolları isə Yamilet Hidalqo, Fred Bux, Rouli Valverde və Ben Stots canlandırıblar.