Fit

Atasının vəfatından sonra Kris adlı yeniyetmə qız təhsil aldığı məktəbi dəyişir. Həmin təhsil ocağında altı ay əvvəl yuxarı sinif şagirdlərindən biri müəmmalı şəkildə həyatını itirib. Ətrafındakılarla ünsiyyət qurmaq istəməyən Kris elə ilk axşam yeni sinif yoldaşlarının əhatəsinə düşür. Onun tapdığı qədim Olmek fitini görən qızlardan biri zarafatla ona üfürmək qərarına gəlir.

Qulaqbatırıcı səs eşidildikdən sonra yeniyetmələrin həyatı alt-üst olur. Onları dəhşətli qarabasmalar müşayiət etməyə başlayır. Tezliklə bu görüntülərin ardınca gənclərin izinə ölümün özü düşür.

«Whistle» qorxu filminin quruluşçu rejissoru Korin Hardidir. Kanada və İrlandiyanın birgə istehsalı olan bu ekran əsəri 2025-ci ildə işıq üzü görüb. Baş rolları Liam Çeyz Trefri, Toria Sammervill, Yuliya Stetsko və Kristin Seyhli canlandırıb.