Pərdə

Şöhrətinin zirvəsində olan aktrisa Samanta Şervud psixi pozuntusu olan qadından bəhs edən «Odra» pyesinin hüquqlarını tanınmış rejissor Conatan Strayker üçün alır. Yeni rolunu dərindən anlamaq istəyən Samanta öz istəyi ilə psixiatriya xəstəxanasına yollanır. Lakin rejissor hiylə quraraq həkimlərin onu həqiqi xəstə kimi qəbul etməsinə və orada daimi qalmasına nail olur.

Strayker bu rolu canlandıracaq yeni namizəd axtarışına çıxaraq altı gənc aktrisanı həftəsonu üçün öz şəhərkənarı malikanəsinə sınaq çəkilişlərinə dəvət edir. Həmin vaxt klinikada qalan Samanta rejissorun xəyanətindən xəbər tutur.

1983-cü il istehsalı olan «Curtains» qorxu filminin rejissoru Riçard Çupkadır. Kanadada çəkilən ekran əsərində əsas rolları Vivian Reis, Tereza Tova, Linn Qriffin və Patrisiya Kerroll Braun canlandırıblar.