Vicious

Polli böyük bir evdə təkbaşına yaşayır. Bir axşam o, küçədə yolunu azmış və çaşqın görünən yaşlı bir qadına rast gəlib ona kömək etmək məqsədilə evinə dəvət edir. Ev sahibinin şəxsi həyatı ilə maraqlanan qonaq qəfildən ona qəribə qara qutu verir və bu gecə öləcəyini bildirir.

Qorxuya düşən Polli naməlum qadını dərhal qapıdan çölə çıxarır. Lakin tezliklə aydın olur ki, həmin sirli əşyadan yaxa qurtarmaq qeyri-mümkündür. Qutu sahibindən xüsusi tələblər irəli sürür: onun içinə nifrət edilən, ehtiyac duyulan və ən çox sevilən üç fərqli şeyi qoymaq lazımdır.

«Vicious» filmi ABŞ istehsalıdır və 2025-ci ildə ekranlara çıxıb. Dəhşət janrında çəkilən bu ekran işinin rejissoru Brayan Bertinodur. Əsas rolları Maykl Ebbott kiçik, Reyçel Blanşard, Ketrin Hanter və Meri Makkormak canlandırır.