İlan yeyən

Polis sıralarını tərk edən Rik Mayner özəl xəfiyyə kimi fəaliyyət göstərir. Günlərin birində sığorta şirkətinin rəhbəri Frenk ona qeyri-adi araşdırma tapşırır. Məsələ ondadır ki, Toni Feyrçayld adlı gənc yanğından öncə həyatını bir milyon dollara sığortalayıb. Rəsmi olaraq onun öldüyü bildirilsə də, Frenk gəncin sağ ola biləcəyinə dair şübhəli məlumatlar əldə edir.

Pullar Toninin bacısına ödənilməzdən əvvəl Rik bu hadisənin fırıldaq olub-olmadığını aydınlaşdırmalıdır. Təcrübəli xəfiyyə sadə görünən işin izinə düşsə də, tezliklə öz ağlının və təxəyyülünün yaratdığı qorxunc bir kabusla üz-üzə qalır.

«Snakeeater» qorxu filmi rejissor Tor Nos tərəfindən lentə alınıb. ABŞ istehsalı olan bu ekran işi 2024-cü ildə işıq üzü görüb. Əsas obrazları Şon Veyl, İliana Cibər, Brenda Krouli və İsaak De Bankole canlandırıblar.