Link

Professor Stiven Filipp bəşəriyyətin təkamül zəncirindəki çatışmayan halqanı araşdırır. Tədqiqatçı şəhərdən kənardakı evində təsərrüfat işlərinə kömək etmək üçün Ceyn adlı tələbə qızı işə götürür. Burada alim üç şimpanze üzərində təcrübələr aparır və malikanəyə gələn Ceyn həmçinin Link adlı oranqutanla tanış olur.

Bir gün professor şimpanzelərdən biri olan Vudunun satışı ilə bağlı şəhərə yollanır. Tezliklə Ceyn evdə həmin meymunun cəsədini aşkar edir. Çox keçmədən Linkin ardınca gələn digər bir şəxs həlak olur, professor Filipp isə müəmmalı şəkildə yoxa çıxır.

Böyük Britaniya istehsalı olan «Link» qorxu filmi 1986-cı ildə rejissor Riçard Franklin tərəfindən çəkilib. Baş rolları Laynas Rouç, Stiven Pinner, Riçard Qarnett və Kevin Lloyd canlandırıblar.