Project MKHEXE

Gənc rejissor Tim Vilson intihar etmiş kiçik qardaşı Şonun dəfn mərasiminə gəlir və kədərli anları kameraya çəkməyə çalışır. Mərhumun əşyalarını araşdırarkən o, heç gözləmədiyi qeydlərlə və sənədlərlə qarşılaşır. Bu tapıntılar qardaşının ölümünün arxasında başqa səbəblərin olduğunu göstərir.

Əşyaların arasında insan şüuruna nəzarət etməyi hədəfləyən gizli hökumət layihəsi barədə çoxlu məlumatlar üzə çıxır. Tim qardaşının bu təhlükəli mövzuya dərindən bağlandığını anlayır və Şonun başladığı araşdırmanı davam etdirərək hər şeyi öyrənmək qərarına gəlir.

ABŞ istehsalı olan «Project MKHEXE» qorxu filminin rejissoru Cerald Robert Uoddalldır. 2025-ci ildə işıq üzü görən ekran əsərində Pet Malderriq, Dueyn Terver, Cennifer Linn O’Hara və Zak Smit əsas rollarda çəkiliblər.