Şəhər əfsanələri: Dəhşət parkı

Bir qrup tələbə gecə vaxtı qədim palıd ağacının bitdiyi təhlükəli parka gizlicə daxil olur. Yerli rəvayətə görə, bu ağac lənətlənib və onun gövdəsinə toxunan hər kəsi amansız ölüm gözləyir. İnancsız Fleçer bu xəbərdarlıqlara məhəl qoymur, ağaca birinci əl vurur və yanındakı qızları da eyni addımı atmağa sövq edir.

Çox keçmədən oğlan qeyb olur, ardınca isə onun dostları bir-bir həyatını itirməyə başlayır. Əcəldən yaxa qurtarmaq istəyən Ember və rəfiqəsi parkın sirrini açmalı, qorxunc şəhər əfsanəsinin əslində haradan qaynaqlandığını öyrənməlidirlər.

2025-ci il istehsalı olan «Şəhər əfsanələri: Dəhşət parkı» (Oak) qorxu filminin rejissoru Kevin Lyuisdir. Ekran əsərində əsas rolları Hadson Temz, Trenton Şillinger, Coy Loren Adams və Nikol Rodan canlandırıb.