Patrik

Anasını və onun sevgilisini qətlə yetirdikdən sonra Patrik komaya düşür. O, doktor Rojenin rəhbərlik etdiyi özəl psixiatriya klinikasının 15 nömrəli palatasına yerləşdirilir. Həkim həyatla ölüm arasındakı sərhədi araşdırmaq üçün bu hərəkətsiz pasiyentdən təcrübə obyekti kimi istifadə edir.

Sevgilisindən yeni ayrılmış Keti adlı tibb bacısı bu klinikada işə düzəlir və Patrikin qulluğuna təyin olunur. Həkimin qəribə müalicə üsulları qızı dərhal narahat etməyə başlayır. Çox keçmədən Keti komada olan bu xəstənin onunla əlaqə qurmağa çalışdığını hiss edir.

Avstraliya istehsalı olan «Patrick» qorxu filmi 2013-cü ildə rejissor Mark Hartli tərəfindən çəkilib. Filmin əsas rollarında Şarni Vinson, Elayza Teylor, Brendan Beykon və Kris Fortuna çıxış edir.