Qara rahibənin lənəti

«Qara rahibənin lənəti» (The Ritual Black Nun) qorxu filmi əcdadların vaxtilə etdiyi günahların acısını çəkən ailədən bəhs edir. Silvinin yaxınları gözlənilmədən qorxunc hadisələrlə üz-üzə qalırlar. Hər şey can verən babanın otağına aparan qəribə izlərdən, dözülməz qoxudan, dəvətsiz qonaqlardan və vahiməli səslərdən başlayır.

Zaman keçdikcə ailənin vəziyyəti daha da pisləşir. Qəhrəmanlar qanlı ayinlərin, qurbanvermələrin və doğmalarının ard-arda gələn ölümlərinin şahidi olurlar. İntiqamçı qüvvələrin yaratdığı bu ailə lənətini qırmaq üçün onlar keçmişin qaranlıq sirrini vaxtında üzə çıxarmalıdırlar.

Kamboca istehsalı olan ekran işi 2023-cü ildə rejissor Semsak Visal tərəfindən çəkilib. Baş rollarda Brendan Qallaxer, Dilan Neou Yanovski, Pin Layseanq və Kadyo Lyonel Frederik çıxış edirlər.