Astral: İblisə doğru eniş

Evelin vəfat etmiş bacısından qalan geniş malikanəni gözlənilmədən miras alır. O, ailəsini də yanına alaraq həmin mülkə köçür və yeni mühitə öyrəşməyə çalışır. Lakin evin zirzəmisində təsadüfən tapılan qəribə qurbangah qorxulu sirlərin üstünü açmağa başlayır.

Çox keçmədən Evelinin əvvəlcə qızı, daha sonra isə oğlu müəmmalı şəkildə yoxa çıxır. Övladlarını axtaran ana malikanənin keçmişdə saysız qətllərə və intiharlara şahidlik etdiyini öyrənir. Məlum olur ki, bacısı da ölümündən əvvəl burada qaranlıq ayin həyata keçirməyə cəhd edib və ailəsini xilas etmək istəyən Evelin bu dəhşətli sirlərlə üzləşməlidir.

ABŞ istehsalı olan «The Painted» qorxu filmi 2024-cü ildə ekranlara çıxıb. Ekran əsərinin rejissoru Saşa Siblidir. Filmin əsas obrazlarını Ceydon Kel, Sem H. Kloder II, Aleksa Palladino və Mett Divayn canlandırıblar.