Exit 14

Bahar tətili zamanı Floridaya dincəlməyə yollanan yuxarı sinif şagirdlərinin avtomobili yolda qəfil xarab olur. Nəqliyyatsız qalan gənclər yaxınlıqdakı mağazaya üz tuturlar. Burada onlar kömək təklif edən Roy adlı qəribə, lakin xeyirxah xasiyyətli bir kişi ilə tanış olurlar.

Roy maşını təmir etməyi öz üzərinə götürür və gəncləri müvəqqəti olaraq öz evinə dəvət edir. «Exit 14» filminin personajları qaldıqları bu evin divarları arasında illər əvvəl baş vermiş dəhşətli hadisələr barədə elə ev sahibinin dilindən eşitməli olurlar.

ABŞ istehsalı olan bu qorxu filmi 2016-cı ildə rejissor Co Meksikan tərəfindən çəkilib. Əsas rollarda Entoni Del Neqro, Con Şnayder, Cemi Noşe və Eşton Li çıxış edirlər.