Snow Falls

Beş nəfərdən ibarət dost qrupunun meşədəki evə səfəri gözlənilməz güclü çovğun səbəbindən çətin sınağa çevrilir. Yağan qar ucbatından sivilizasiyadan təcrid olunmuş gənclər binada köməksiz vəziyyətdə qalırlar. Tezliklə işıqlar sönür və qida ehtiyatı da tükənməyə başlayır.

Şaxtalı məkanda qalan gənclər getdikcə daha böyük qorxuya qapılırlar. "Snow Falls" filminin qəhrəmanları pəncərənin arxasındakı qarın sadəcə hava şəraiti deyil, gizli və təhlükəli bir qüvvə olduğunu düşünməyə başlayırlar.

ABŞ istehsalı olan bu qorxu filmi 2023-cü ildə rejissor Kolton Çan tərəfindən lentə alınıb və o, həm də əsas rollardan birini ifa edib. Ekran əsərində həmçinin Anna Qreys Barlou, Viktoriya Moroles və Lora M. Yanq çəkiliblər.