Uici. O biri dünya

Bir qrup bloqer mistik bir ayin keçirmək üçün «qara qrafinya»nın köhnə malikanəsinə üz tutur. Fövqəltəbii hadisələrə böyük marağı olan bu qadın başqa bir ölçüyə aparan sirli oyunu oynadıqdan sonra izsiz yoxa çıxmışdı. Gənclər onun ruhunu çağırmaqla nəticələrini təsəvvür edə bilmədikləri bir təhlükəyə qapı açırlar.

Qrafinyanın ruhu ilə əlaqə qurmaq cəhdi o biri dünyanın qaranlıq qüvvələrini bu aləmə buraxır. Ətrafa yayılan demonları geri qaytarmağa çalışan komanda üzvləri üçün vaxt daralır. Yalnız bu qorxunc varlıqları öz dünyasına göndərməyi bacaran kəs sağ qala bilər.

«Uici. O biri dünya» (The 100 Candles Game: The Last Possession) dəhşət filmi 2023-cü ildə Argentina və Yeni Zelandiya istehsalı kimi təqdim olunub. Filmin rejissor kürsüsündə David Ferinyo və Andres Borqi əyləşiblər. Əsas rolları Maqui Bravi, Aqustin Olsete, Brett DelBuono və Paçi Lukas canlandırıblar.