Şikar

Ember doğma kiçik şəhərciyini tərk edib böyük şəhərə köçməyi arzulayır. O, dostları ilə birlikdə yola çıxsa da, maşınları qəfil xarab olur. Gənclər çarəsiz qalaraq yoldan keçən yük maşınının sürücüsündən kömək istəyir və yolun qalan hissəsini yük yerində davam etdirməyə razılaşırlar.

Yolda onlar yükün əslində insan qalıqları ilə dolu qutulardan ibarət olduğunu dəhşətlə kəşf edirlər. Qapılar bağlı olduğundan gənclər oradan çıxa bilmir, sürücü isə onları buraxmaq fikrində deyil. Sonda bütün heyət tərk edilmiş nəhəng zavodun içində ilişib qalır və burada insan ətinə ac olan zombilərlə üz-üzə gəlir.

2010-cu ildə çəkilmiş «Prowl» qorxu filmi ABŞ, Böyük Britaniya və Bolqarıstanın birgə istehsalıdır. Ekran əsərinin rejissoru Patrik Siversendir, əsas obrazları isə Ruta Gedmintas, Coş Bouman və Elitsa Radeva canlandırıb.