#ChadGetstheAxe

Sosial şəbəkələrdə izləyici toplamaq istəyən dörd nəfər bloqer qeyri-adi bir məkana yollanır. Onlar vaxtilə gizli təriqət üzvlərinin toplaşdığı tərk edilmiş bir evi seçirlər. Canlı yayım zamanı izləyicilərin marağını artırmaq üçün gənclər orada mistik bir ayin həyata keçirməyi planlaşdırırlar.

Lakin əyləncə xatirinə başlayan bu yayım qəfil təhlükəli məcraya yönəlir. Qədim ayin binadakı qaranlıq qüvvələri oyadır və bloqerlər o biri dünyanın varlıqları ilə üz-üzə qalırlar. Şou naminə atılan addım qorxulu bir mübarizəyə çevrilir.

«#ChadGetstheAxe» adlı qorxu filmi ABŞ kinematoqrafçıları tərəfindən 2022-ci ildə çəkilib. Ekran əsərinin rejissoru Trevis Baybldır. Əsas rolları Spenser Harrison Levin, Kemerton Harqrouv kiçik, Şun Haqins və Erik Qibson canlandırıblar.