Itsy Bitsy

Kiçik oğlunun itkisindən sonra Kara iki uşağını da götürərək Nyu-Yorku tərk edir və ölkənin tamam başqa bir tərəfinə köçür. Qadın burada Uolter adlı tənha və varlı qocanın yanında tibb bacısı kimi işə düzəlir. Ev sahibi Karaya ailəsi ilə birgə qalmaq üçün bütöv bir ev ayırır və onun qədim əşyalar toplamaq həvəsi tezliklə hər kəsin həyatına təsir edir.

Uolterin kolleksiyasına vəhşi qəbilələrdən oğurlanmış və qəddar bir ilahəyə ibadət üçün istifadə olunan nadir artefakt gətirilir. Çox keçmədən bu qədim qab sınır və onun içindən nəhəng bir hörümçək azadlığa çıxır. Qaniçən varlıq ev sakinlərinə hücum etməyə başlayır.

ABŞ istehsalı olan «Itsy Bitsy» qorxu filmi 2019-cu ildə rejissor Mika Qallo tərəfindən çəkilib. Ekran əsərinin əsas rollarında Castin Sendler, Kreyq S. Çen, Metti Kardaropl və Arman Darbo çəkiliblər.