Molli Hartlinin şeytançıxarması

Məktəbi bitirdikdən altı il sonra Molli Hartli artıq yetkin bir qadındır, lakin daxilindəki qaranlıq varlıq onu tərk etməyib. Qız gizli bir razılaşmaya əsasən ruhunun iblisə satıldığını öyrənir. Bədənini ələ keçirən şər qüvvə onun həyatını idarə etməyə davam edir.

Qətldə günahlandırılan Molli ruhi xəstəxanaya yerləşdirilir. Burada onun daxilindəki qorxunc güc həm digər xəstələr, həm də xəstəxana işçiləri üçün ciddi təhlükə yaradır. Qızı bu vəziyyətdən xilas etməyin yeganə yolu isə rütbəsindən məhrum edilmiş keçmiş keşişin həyata keçirə biləcəyi ekzorsizm ayinidir.

2015-ci ildə çəkilmiş «The Exorcism of Molly Hartley» qorxu filmi Kanadada istehsal olunub. Ekran əsərinin rejissoru Stiven R. Monrodur. Baş rolları Con Kor, Robert Borqes, Devon Sava və Eşli Hert canlandırıb.