Dar ağacı

İyirmi il əvvəl məktəb teatr tamaşası zamanı baş verən bədbəxt hadisə bir şagirdin ölümü ilə nəticələnmişdi. Aradan xeyli vaxt keçdikdən sonra yeni şagirdlər həmin tamaşanı yenidən səhnələşdirmək qərarına gəlirlər. Onların məqsədi həyatını itirmiş həmyaşıdlarının xatirəsini yad etmək olur.

Lakin keçmişin dəhşətli xatirələrini tərpətmək heç də yaxşı nəticələnmir. Qəhrəmanlar yenidən canlandırmaq istədikləri bu pyesin arxasında qalan təhlükə ilə üz-üzə qalırlar. Bəzi faciəli hadisələri olduğu kimi buraxmaq lazım gəlirdi.

ABŞ istehsalı olan «The Gallows» qorxu filmi 2015-ci ildə ekranlara çıxıb. Ekran əsərinin rejissorları Trevis Klaff və Kris Lofinqdir, əsas rolları isə Daniel Şort, Kelli Devis, Kessidi Qifford və Börkeli Vuds canlandırıblar.