Frankenşteyn: İrs

Viktor Frankenşteynin uğursuz elmi sınaqlarından təxminən yüz il ötür. Lakin alimin ölümündən sonra da onun qorxunc kəşfləri itməyib: canlı varlıq yaratmağın yollarını qeyd etdiyi gündəlik illərlə əldən-ələ keçir. Nəhayət, bu təhlükəli qeydlər yenidən kiminsə diqqətini çəkir.

Ətrafda qəribə və dəhşətli hadisələr baş verir. Naməlum şəxs qəbirləri qazaraq meyitləri oğurlayır. O, köhnə təlimatlara əsaslanaraq bəşəriyyətin hələ görmədiyi yeni bir məxluqu həyata qaytarmağa çalışır.

Böyük Britaniya istehsalı olan «Frankenstein: Legacy» qorxu filmi 2024-cü ildə ekranlara çıxıb. Ekran əsərinin rejissoru Pol Dadbricdir. Əsas rolları Çarlz Doyl, Pol Tonkin, Keti Şeridan və Endrü Makgillan canlandırıblar.