Vudu

Ezamiyyətdən qayıdan İzzi öz doğma evini tanıya bilmir. Doğma divarlar arasında qəribə dəyişikliklər baş verir və içəriyə naməlum, qorxulu bir qüvvənin dolduğu hiss olunur.

Vəziyyəti aydınlaşdırmaq üçün kömək axtaran ana dəhşətli həqiqətlə üzləşir. Məlum olur ki, qızlarına qarşı güclü qarğış edilib və bu lənətdən xilas olmaq üçün xüsusi ayin həyata keçirilməlidir.

Böyük Britaniya istehsalı olan «The Unfamiliar» qorxu filminin rejissoru Henk Pretoriusdur. 2019-cu ildə ekranlara çıxan ekran əsərində rolları Kristofer Deyn, Tori Batler-Hart, Ben Li və Qay Uorren-Tomas canlandırıblar.