Caveat

Ayzek adlı kişi bir dostunun təklif etdiyi qeyri-adi işi qəbul edir. Ondan anası itkin düşmüş və atası intihar etmiş psixi pozuntulu Olqa adlı gənc qıza bir neçə gün nəzarət etmək tələb olunur. Bu qısa müddətli xidmət müqabilində ona yaxşı məbləğdə pul vəd edilir.

Lakin ünvana çatdıqda vəziyyətin qəribəliyi üzə çıxır. Köhnə ev kimsəsiz adada yerləşir, qızın qorxusu səbəbindən isə Ayzek bədəninə hərəkəti məhdudlaşdıran zəncirli xüsusi qurğu taxmalıdır. Qısa müddət sonra bu tərk edilmiş qorxunc məkanda qəribə və müəmmalı hadisələr baş qaldırır.

2020-ci ildə çəkilmiş Böyük Britaniya istehsalı olan «Caveat» qorxu filminin rejissoru Demien Makkartidir. Ekran əsərində əsas rolları Conatan Frenç, Leyla Sayks, Konor Dueyn və İnma Pavon canlandırıblar.