Cipers Kripers: Yenidən doğulmuş

Leyn qorxu janrının pərəstişkarı olan sevgilisinə qoşularaq xüsusi festivala yollanır. Bu tədbir hər 23 ildən bir oyanıb insanları ovlayan və sonra yoxa çıxan qanadlı bədheybət haqqındakı əfsanəyə həsr olunub.

Yolda və tədbirdə qızı qəribə görüntülər narahat etsə də, o, festivalın ab-havasını bəyənir. Lakin Leyn hələ bilmir ki, Cipers Kripersə sitayiş edən yerli kult onu çoxdan özünə qurban seçib.

ABŞ və Böyük Britaniyanın birgə istehsalı olan «Jeepers Creepers: Reborn» qorxu filmini rejissor Timo Vuorensola ərsəyə gətirib. 2021-ci ilin bu ekran əsəri məşhur franşizanın tərkib hissəsidir və əsas rolları Lidiya Noun, Piter Bruk, Terri Börd və rejissorun özü canlandırıb.