Vampirin ağuşu

Şarlotta təhsil almaq üçün kiçik bir şəhərdə yerləşən kollecə yollanır. İlk baxışdan adi bir gənc təsir bağışlayan bu qızın əslində qanla bağlı nadir bir xəstəliyi var. Yeni mühitə uyğunlaşmağa çalışan tələbə öz fiziki vəziyyətinin gətirdiyi çətinliklərlə üz-üzə qalır.

Çox keçmir ki, Şarlottanı qəribə görüntülər və dəhşətli yuxular narahat etməyə başlayır. Hər gecə təkrarlanan bu kabuslar onun həyatını alt-üst edir. Qız səhərlər öz çarpayısında deyil, küçənin müxtəlif yerlərində ayılaraq nə baş verdiyini anlamaqda çətinlik çəkir.

2013-cü il istehsalı olan «Embrace of the Vampire» qorxu filminin rejissoru Karl Bessaydır. Kanadada çəkilən ekran əsərində baş rolları S.S. Şeffild, Maya Massar, Ekstaziya Sanders və Oliviya Çenq canlandırıblar.