Legion layihəsi

Şəhəri bürüyən qaranlıq küçələrə naməlum və təhlükəli qüvvələr gətirir. Keçmiş dəniz piyadası Qreq 213 nömrəli mənzilinə sığınaraq qapını bağlamaq məcburiyyətində qalır. O andan etibarən onun üçün qorxulu kabus başlayır və dörd divar gözlənilməz sınaq məkanına çevrilir.

Şeytani varlıqlarla təkbətək qalan baş qəhrəman bu gecəni sağ-salamat başa vurmağa çalışır. Ətrafı bürüyən təhlükədən qurtulmaq üçün o, ölümcül tələdən çıxış yolu axtarmalı olur. Saatlar keçdikcə məkanın daxilində və xaricində mübarizə daha da kəskinləşir.

ABŞ istehsalı olan «Project Legion» qorxu filminin rejissoru Lens Kauasdır. Ekran əsəri 2022-ci ildə işıq üzü görüb. Əsas rolları Donald Serrone, Kelli Reyter, Dino Dos Santos və Vinsent E. Makdeniel canlandırıblar.