"Demeter"in son səyahəti

1897-ci ilin yayında Bolqarıstan sahillərindən Londona yollanan ticarət gəmisi "Demeter" göyərtəsinə sirli yük qəbul edir. Varna limanında anbara əjdaha təsviri olan ağır taxta qutular yüklənir. Bu nişanəni görən dənizçilərdən biri dərhal heyəti tərk edir, onun yerinə isə qaradərili həkim işə götürülür.

Səfər boyu dənizçilər qorxunc bir təhlükə ilə üzləşirlər. Gecələr torpaqla dolu müəmmalı qutudan çıxan qraf Drakula təzə qan axtarışına başlayır. Heyət üzvləri və yeni gələn həkim bu dəhşətli varlıqla qarşı-qarşıya qalaraq mənzil başına çatmağa çalışırlar.

2023-cü ildə ekranlara çıxan "The Last Voyage of the Demeter" qorxu filminin rejissoru Andre Ovredaldır. Ekran işi ABŞ, Böyük Britaniya, Kanada, Almaniya və Hindistanın ortaq istehsalıdır. Filmin əsas rollarını Devid Dastmalçyan, Xavyer Botet, Con Con Briones və Selli Riv canlandırıblar.