Boşluq övladı

Ailənin sevimlisi olan balaca Oliviya gəzinti zamanı gözlənilmədən yoxa çıxır. Meşəlik ərazidə aparılan axtarışlar heç bir nəticə verməsə də, bir neçə gün sonra qız möcüzəvi şəkildə evinə qayıdır. Doğmaları onun sağ-salamat tapılmasına hədsiz dərəcədə sevinirlər.

Lakin böyük bacı Samanta bu qayıdışdan dərhal sonra narahatlıq hiss etməyə başlayır. O, bacısının davranışlarında qorxulu dəyişikliklər görür. Tezliklə Samanta Oliviyanın cildində evə tamamilə fərqli və pis niyyətli bir varlığın gəldiyini fərq edir.

"The Hollow Child" adlı Kanada istehsalı qorxu filmi 2017-ci ildə rejissor Ceremi Lütter tərəfindən çəkilib. Baş rolları Kamill Atebe, Coanna Nyumark, Kreyq Març və Jenevyev Bükner ifa ediblər.