Boşluq

Gecə növbəsində olan polis zabiti Daniel Karter yolda ağır yaralanmış naməlum bir adam tapır. O, yaralını xilas etmək məqsədilə yaxınlıqdakı xəstəxanaya gətirir. Həmin şəxsi dindirmək üçün onun özünə gəlməsini gözləyən polis səhərə qədər binada qalmağa qərar verir.

Qısa müddət sonra xəstəxanada dəhşətli hadisələr baş qaldırır. Tibb bacılarından biri öz üzünün dərisini soyaraq digər pasiyentə hücum edir. Eyni zamanda tibb müəssisəsinin ətrafı ağ geyimli naməlum adamlar tərəfindən mühasirəyə alınır.

2016-cı ildə ekranlara çıxan «Boşluq» (The Void) adlı qorxu filmi Kanadada çəkilib. Ekran əsərinin rejissorları Stiven Kostanski və Ceremi Gillespidir, rolları isə Kris Neş, Devid Skott, Metyu Kennedi və Ellen Vonq canlandırıb.