Tunel

Sidney rəhbərliyi şəhərdəki su çatışmazlığını aradan qaldırmaq üçün yeraltı kollektorlarda yığılmış ehtiyatlardan istifadə etməyi qərara alır. Lakin səlahiyyətlilər unudulmuş bu tunellərin uzun müddətdir evsiz insanlar üçün sığınacağa çevrildiyini nəzərə almır. Layihənin həyata keçirilməsi həmin sakinlərin yeganə məkanlarını itirməsi deməkdir.

Məsələni araşdırmaq istəyən sənədli film çəkiliş qrupu yeraltı yollara enərək həqiqəti üzə çıxarmağa çalışır. Çox keçmədən qaranlıq labirintlərdə təkcə kimsəsizlərin deyil, başqa bir naməlum təhlükənin də gizləndiyi aydın olur. Jurnalistlər dərinliklərdə qorxulu bir varlıqla qarşı-qarşıya qalırlar.

«Tunel» adlı Avstraliya istehsalı olan qorxu filmini rejissor Karlo Ledesma lentə alıb. Ekran işi 2011-ci ildə nümayiş olunub və baş rollarda Enso Tedeski, Rebekka Kley, Ceyms Keytlin və Qoran D’Klüe çıxış ediblər.