8 Meyit

Dueyn və Samanta yeni təəssüratlar axtarışında olarkən onlayn proqram vasitəsilə səhrada təcrid olunmuş bir ev kirayələyirlər. Lakin təyin olunmuş ünvana çatdıqda məkanın artıq qəribə yaşlı cütlük tərəfindən tutulduğunu görürlər. Əvvəlcə adi bir anlaşılmazlıq kimi görünən bu vəziyyət cütlüyü tezliklə dəhşətli həqiqətlə üz-üzə qoyur.

Eyni vaxtda onların dostları da tam olaraq oxşar hadisə ilə qarşılaşırlar. Bir-biri ilə kəsişən bu əhvalatlar qonaqları gözlənilməz və qanlı bir sonluğa doğru aparan təhlükəli bir düyünə çevrilir.

«8 Found Dead» filmi 2022-ci ildə ABŞ-da istehsal olunub və qorxu janrındadır. Ekran əsərinin rejissoru Trevis Qrindir, əsas rolları isə Tim Simek, Patrik Riqer, Rozanna Limeres və Eddi Akosta canlandırıb.