Astral. Somniya

Pandemiya dövründə tətbiq edilən karantin qaydalarına baxmayaraq, Monik evdən çıxmağa məcbur qalır. Rəfiqəsi Mavisin çətin vəziyyətdə olduğunu öyrənən qadın dərhal onun yanına yollanır. Lakin tezliklə aydın olur ki, məsələ sadəcə tənhalıqdan və ya yoluxucu xəstəlikdən ibarət deyil.

Mavis yuxu ilə reallığın bir-birinə qarışdığı dəhşətli kabuslardan əziyyət çəkir və bu qarabasmalardakı təhlükə həqiqi ölümə apara bilər. Rəfiqəsinə kömək etmək istəyən Monik özü də eyni vəziyyətə düşür. Yuxuların qaranlıq aləminə sürüklənən qadın burada qeyri-adi fövqəltəbii varlıqla üz-üzə qalır.

«The Harbinger» adlı qorxu filmi ABŞ kinematoqrafçıları tərəfindən 2022-ci ildə istehsal olunub. Ekran əsərinin rejissoru Endi Mittondur. Əsas rolları Stefani Rot Haberli, Reymond Entoni Tomas, Riçard V. Kinq və Emili Devis canlandırıblar.