Sevgili

Okeanda baş verən qəzadan sonra Cenn adlı gənc qadın kiçik bir adaya çıxmağı bacarır. Sahilə onun dostlarından biri də atılır, lakin ağır yaralanan yoldaşı tezliklə həyatını itirir. Cenn dostunu dəfn edir və bu kimsəsiz quru parçasında təkbaşına qalmağa uyğunlaşmağa çalışır.

Çox keçmir ki, ada gözlənilməz bir təhlükə ilə üz-üzə qalır. Gecələr dəniz sularından sahilə ətyeyən qorxunc bir bədheybət çıxır. «Sweetheart» filminin qəhrəmanı hər qaranlıq düşəndə bu dəhşətli yırtıcı ilə mübarizə aparmaq məcburiyyətində qalır.

ABŞ istehsalı olan qorxu filminin rejissoru Castin Dillarddır. Baş rolu Kirsi Klemons canlandırıb, digər rollarda isə Emori Koen, Hanna Menqan Lourens və Benedikt Semyuel çəkiliblər. Ekran işi 2019-cu ildə işıq üzü görüb.