The Assent

Həyat yoldaşının vəfatından sonra Coel azyaşlı oğlu Meysonu təkbaşına böyütməyə çalışır. Ucqar bir yerdə iş tapmaqda çətinlik çəkən ata, eyni zamanda şizofreniya diaqnozu ilə mübarizə aparır. Müntəzəm olaraq həkimə müraciət etməsinə və dərmanlar qəbul etməsinə baxmayaraq, o, ətrafında qaranlıq kölgələr və qorxulu fiqurlar görməyə davam edir.

Tezliklə balaca Meyson da evdə bir neçə sifəti olan qorxunc bir kişinin dolaşdığını söyləyir. Coel öz xəstəliyinin oğluna keçməsindən şübhələnsə də, dayənin çağırdığı keşiş vəziyyətə başqa cür yanaşır. Ruhani şəxs inanır ki, uşağın bədənini və ruhunu addım-addım ələ keçirmək istəyən qüdrətli bir demon peyda olub.

«The Assent» qorxu filminin rejissoru Pirri Recinald Teodur. 2019-cu ildə ekranlara çıxan layihə ABŞ, Böyük Britaniya və İsrail kinematoqrafçılarının birgə istehsalıdır. Baş rolları Robert Kazinski, Meqan Henri, Duqlas Speyn və Uilyam Dobert ifa ediblər.