Pantafa

Keçmiş rəqqasə Marta azyaşlı qızı ilə birlikdə ucqar Malanotte dağ kəndinə köçür. Bu yeni məkan soyuq ab-havası və qəribə xalq inancları ilə seçilir. Elə ilk gecədən balaca qız yuxusunda onun nəfəsini kəsən qorxunc Pantafa adlı varlıqla qarşılaşır.

Ana əvvəlcə qızının bu sözlərini uşaq təxəyyülü və yorğunluq kimi qəbul edir. Lakin günlər keçdikcə ətrafdakı mühit getdikcə daha təhlükəli və vahiməli şəkil alır. Çox keçmədən Marta özü də gündüz baş verənlərlə gecə kabusları arasındakı fərqi ayırd edə bilmir.

İtaliya istehsalı olan «Pantafa» qorxu filmini 2022-ci ildə rejissor Emanuele Skaringi çəkib. Ekran əsərində baş rolları Kasya Smutnyak, Mauro Marino, Cuzeppe Çederna və Uqo De Çezare canlandırıblar.