Bədheybət

Gənc ana və onun on yaşlı qızı meşəlik ərazidən keçən kimsəsiz yolda hərəkət edərkən maşınları sıradan çıxır. Ətrafdakı mühitdə tək qalan bu qadın əvvəllər də böyük məsuliyyət hissi ilə seçilməyib və indi övladı ilə birlikdə çıxılmaz vəziyyətə düşür.

Çox keçmədən avtomobilin bir canavara çırpıldığı aydınlaşır. Lakin həmin canavar qəzadan əvvəl daha nəhəng bir varlıq tərəfindən parçalanıb. Həmin sirli və təhlükəli canlı isə meşənin dərinliyindən çıxaraq onlara doğru addımlayır.

«The Monster» adlı qorxu filmi 2015-ci ildə ABŞ və Kanadanın birgə istehsalı kimi təqdim olunub. Ekran əsərinin rejissoru Brayan Bertinodur, əsas rolları isə Ella Ballentine, Skott Spidman, Aaron Duqlas və Kristin Ebadi canlandırıb.