Qurd Dağı

Ey Cey iyirmi ildən artıqdır ki, valideynlərinin Qurd dağında baş verən müəmmalı ölümü ilə bağlı qorxulu yuxular görür. O gecənin təfərrüatları qaranlıq qaldığından psixiatr ona faciənin yaşandığı əraziyə getməyi məsləhət görür. Keçmişdə baş verənləri anlamaq istəyən gənc qardaşı, sevgilisi və dostları ilə birlikdə həmin təhlükəli məkana yola düşür.

Eyni vaxtda üç qarətçi oğurladıqları pulları gizlətmək üçün məhz bu dağlıq ərazini seçir və heç bir şahid buraxmaq istəmirlər. Lakin təpələrdə cinayətkarlardan qat-qat qorxunc və sirli bir varlıq gizlənir.

«Qurd Dağı» (Wolf Mountain) filmi 2022-ci ildə ABŞ-da istehsal olunub. Dəhşət janrında çəkilən ekran əsərinin rejissoru Devid Lipperdir, baş rollarda isə Kenni Yets, Kipp Traybbl, Karissa Steypls və Keli Prays çəkiliblər.