Borli Evinin Qarabasmaları

1930-cu illərdə, İkinci Dünya Müharibəsinin astanasında olan İngiltərədə keşiş Linus həyat yoldaşı və qızı ilə birlikdə kilsənin verdiyi malikanəyə köçür. Ailəyə əvvəlki sakinin ağlını itirərək arvadını öldürdüyü və sonra özünü asdığı haqda heç nə deyilmir. Çox keçmədən yeni məkanda qəribə və qorxulu hadisələr baş qaldırmağa başlayır.

İlk vaxtlar Linus bu əlamətlərə əhəmiyyət vermir və onu xəbərdar etmək istəyən yerli okkultist Harri Praysın sözlərinə inanmır. Lakin evdəki qüvvələrin təzyiqi artdıqca vəziyyət dəyişir. Ailəsini qorumaq üçün keşiş həmin bu yad adamla birləşərək məkandakı qaranlıq şərə qarşı durmaq məcburiyyətində qalır.

Britaniya istehsalı olan «The Banishing» qorxu filmi 2020-ci ildə rejissor Kristofer Smit tərəfindən çəkilib. Ekran əsərində baş rolları Françeska Fauler, Con Linç, Con Heffernan və Cessika Braun-Findli canlandırıb.