Qarğış

Amerikaya Yaponiyadan qayıdan bir qadın öz ailəsini amansızlıqla qətlə yetirir. Hadisədən iki il ötsə də, qətlin baş verdiyi bina ətrafında qorxunc şayiələr dolaşır və yerli sakinlər ora yaxınlaşmaqdan çəkinirlər.

Ərinin vəfatından sonra azyaşlı oğlunu tək böyüdən qadın detektiv kədərini unutmaq üçün özünü bütünlüklə xidmətə həsr edir. Başqa bir qadının müəmmalı ölümünü araşdırmağa başlayan polis, həmkarının xəbərdarlıqlarına məhəl qoymadan həmin məşum evə daxil olur. Bu addımdan sonra qəhrəmanı dəhşətli görüntülər izləməyə başlayır.

ABŞ istehsalı olan «The Grudge» qorxu filminin rejissoru Nikolas Peşdir. 2019-cu ildə təqdim edilmiş layihədə baş rolları Andrea Raysboro, Con Hansen, Betti Qilpin və Robert Kostira canlandırıblar.