Bataqlıq

Körpüdə baş verən qəza zamanı yaşlı qaradərili qadına kömək etməyə çalışan Rey gözlənilməz hücuma məruz qalır. Qadının çantasındakı zəhərli ilanlar kişini sancır və o, huşunu itirərək körpüdən suya yıxılıb boğulur.

Xilas edilən qadın vudu ayinləri icra etdiyini və bu ilanlar vasitəsilə illərlə pis insanların qara niyyətlərini topladığını etiraf edir. Sancmalar nəticəsində toplanmış bütün pis enerji Reyin bədəninə keçir. Beləliklə, şər qüvvələrin təsiri altında dirilən Rey qanlı insan qurbanları tələb edən dəhşətli bir kabusa çevrilir.

«Venom» adlı bu qorxu filminin rejissoru Cim Gillespidir. Baş rolları Steysi Trevis, Markus Layl Braun, Conatan Cekson və Meqan Qud canlandırıb. Ekran əsəri 2005-ci ildə ABŞ-da istehsal olunub.